Presidentja e Kosovës, Vjosa Osmani, bashku me kryetarin e Kuvendit, Glauk Konjufca dhe kryeministrin Albin Kurti pas homazheve në Kompleksin Memorial “Adem Jashari”, në Prekaz, kanë shkuar për vizitë në kullën e Jasharëve.
Siç edhe shihet në fotografi ata u priten nga Rifat Jashari, vëllai i komandantit legjendar, Adem Jashari.
Presidentja e Kosovës, Vjosa Osmani, pas homazheve tha se Epopeja e Ushtrisë Çlirimtare të Kosovës është epope e krenarisë dhe epope që simbolizon lirinë që qytetarët e Kosovës e gëzojnë sot.
Kryeparlamentari Glauk Konjufca tha se sa kohë të ketë popull shqiptarë, Prekazi do të jetë vend, ku jo vetëm që do të përkulemi, por edhe të frymëzohemi se si ta mbrojmë vendin dhe ta ushqejmë lirinë.
Derisa kryeministri vendit, Albin Kurti tha se në Prekazin heroik rikthehemi që të kujtojmë çmimin e lirisë që sot e gëzojmë.
Ai theksoi se vetëflijimi e sakrifica e familjes Jashari janë vet epopeja e UÇK-së../teve1.info./
