Osmani ka pranuar letrat kredenciale nga ambasadori portugez, De Oliveira teksa Osmani ka thënë se marrëdhëniet mes dy shteteve janë shumë të mira e cila po ashtu ka shfaqur besimin se zhvillimet pozitive të raporteve bilaterale mes Kosovës e Portugalisë do të vazhdojnë edhe gjatë mandatit të ambasadorit De Oliveira, shkruan teve1.info
Në njoftimin e Presidences thuhet se me ambasadorin De Oliveira, Presidentja Osmani ka diskutuar edhe sa i përket procesit të liberalizimit të vizave dhe anëtarësimit në Këshillin e Evropës.
“Sipas Presidentes Osmani, është e domosdoshme vendimmarrja politike gjatë Presidencës Çeke dhe se hyrja në fuqi e liberalizimit të vizave nuk duhet të mbetet peng i asnjë teknikaliteti. Kurse sa i përket anëtarësimit në Këshillin e Evropës, Presidentja Osmani ka potencuar se anëtarësimi në këtë organizatë është në funksion të fuqizimit të lirive dhe të drejtave të njeriut”, thuhet në njoftim.
Po ashtu edhe kryetari i Kuvendit, Konjufca i ka shprehur mirënjohje ambasadorit portugez për përkrahjen të cilën Portugalia i ka ofruar Kosovës.
Konjufca i ka kërkuar ambasadorit, De Oliveira mbështetje për liberalizimin e vizave dhe për anëtarësimin në Këshillin e Evropës, BE dhe NATO, si dhe në organizata të tjera ndërkombëtare.
“Kryetari i Kuvendit po ashtu kërkoi mbështetje të mëtejme për liberalizimin e vizave dhe për proceset që ka përpara shteti ynë, përfshirë anëtarësimin në Këshillin e Evropës, BE dhe në NATO, si dhe në organizata tjera ndërkombëtare. Ndërsa, Ambasadori Jorge Ayres Roza de Oliveira, pasi e falënderoi Kryetarin Konjufca për pritjen, shprehu gatishmërinë për thellimin e marrëdhënieve dypalëshe dhe ritheksoi mbështetjen e shtetit të tij për Kosovën në rrugën e integrimeve euroatlantike”, thuhet në njoftim.
