Ish- ministri i Jashtëm i Maqedonisë së Veriut, Bujar Osmani ka thënë se deklarata e kryeministrit të këtij vendi, Hristijan Mickoski për zhdukjen e Bashkimit Demokratik për Integrim, është strategji e tendencave që ekzistojnë nga vitit 1991, që shqiptarët të kenë vetëm parti lokale.
Osmani ka thënë se BDI ka arratisur ta sfidojë këtë tendencë dhe kjo ka qenë arsyeja që kanë arritur ta kenë edhe postin e kryeministrit.
“Faktori që e ndryshon rolin e shqiptarëve këtu është që a kemi ne kapacitet ta mbajmë një organizatë që i përfaqëson shqiptarët nga Struga deri në Libovë. Tendenca e shërbimeve këtu, nga 1991 ka qenë që shqiptarët të kenë partitë lokale, secili qytet të ketë partin e vet dhe liderin lokal. BDI e sfidoi edhe këtë bajraktarizmin tonë. Vetëm BDI e sfidoi këtë tenderë të jashtme. Kjo ishte arsye se pse arritëm deri në kryeministër”, ka thënë ai në emisionin “Këndi i Debatit” në Tëvë1
Osmani ka akuzuar Izet Mexhitin se është bërë pjesë e këtyre projekteve.
“Kjo që bëri z. Mexhiti me tentimin për ta shkëputur BDI-në është një prej 13 projekteve paraprake për të ndarë BDI-në në copa të vogla. 13 parti politike kanë dal nga BDI që kryesisht inspirim e kanë Beogradin, kanë qëllim që shqiptarët të mos kenë një parti të madhe dhe të fokusohen në komuna. Mexhiti e ka bërë përpjekjen e fundit për ta përça BDI-në dhe shndërruar në parti lokale. Sponsorët e tij e dimë kush jam. Shteti këtu tash i prezantuar edhe nga kryeministri Mickoskit, por unë mendoj se është një inspirim që vjen prej veriut”, ka thënë Osmani, i cili është kandidat për kryetar në Komunën e Çairit nga Aleanca Kombëtare për Integrim.
