Opera e Kosovës dhe Universiteti i Prishtinës – Fakulteti i Arteve, Departamenti i Artit Muzikor, prezantojnë programin e operës komike të Joseph Haydn, “Lo Speziale” që do të shfaqet në Teatrin Oda.
Kështu ka bërë të ditur Ministria e Kulturës përmes një njoftimi.
“Me një libreto magjepsëse nga Carlo Goldoni, opera ofron një skenar argëtues të mbushur me dashuri dhe humor mes katër personazheve kryesore”, thuhet në njoftim.
Teksa, ky projekt është pjesë e kalendarit të aktiviteteve të Universitetit Veror 2023 dhe mbështetet nga MKRS, RTK dhe ORCA.
