Gjatë kësaj vizite, Latifi bëri të ditur se janë duke biseduar me MSH-në e Shqipërisë për ofrimin e shërbimeve për pacientët e Kosovës, shkruan teve1.info
“Ministri Latifi, veçoi se deri sa ne presim vlerësimin e dëmeve të shkaktuara në aparaturat e Klinikës së Onkologjisë, në ndërkohë jemi duke biseduar me Ministrinë e Shëndetësisë së Republikës së Shqipërisë, për ofrimin e shërbimeve Onkologjike të pacientëve tanë. Po ashtu, ministri Latifi, tha se është e mundur që bisedime të tilla të kemi edhe me shtetet tjera të rajonit. Numri i pacientëve që kanë qenë në pritje dhe në njëherit në trajtim është 233”, thuhet në njoftim.
Aparaturat për trajtimin e pacientëve në bodrumin e Klinikës së Onkologjisë janë përfshirë nga një sasi e konsiderueshme uji.
Përmes një njoftimi, Shërbimi Spitalor Klinik dhe Universitar i Kosovës ka bërë të ditur se pacientët që trajtohen më radioterapi nuk mund të marrin këtë shërbim. /Teve1.info/
https://teve1.info/lajmet/uji-deperton-ne-bodrumin-e-klinikes-se-onkologjise-nderpriten-sherbimet-me-radioterapi/
