Ofensiva e vazhdueshme izraelite në kampet e refugjatëve në pjesën veriore të Bregut Perëndimor ka zhvendosur 32,000 palestinezë, ka thënë të enjtën agjencia e OKB-së për refugjatët palestinezë (UNRWA).
Ofensiva e filluar më 21 janar, fillimisht në kampet Jenin, është shpërndarë edhe në kampet Tulkarem, Nur Shams dhe zona të tjera në veri të Bregut Perëndimor.
Ushtria izraelite nisi një ofensivë ushtarake në shkallë të gjerë në kampin e refugjatëve në Jenin më 21 janar, e cila më vonë u përhap në kampet Tulkarem dhe Nur Shams dhe zona të tjera në Bregun Perëndimor verior.
Rolan Friedrich, Drejtor i Çështjeve të UNRWA-së për Bregun Perëndimor, tha se sulmi izraelit zbrazi kampet e refugjatëve në Jenin, Tulkarem dhe Nur Shams, duke zhvendosur rreth 32,000 banorë, citon Anadolu.
Zyrtari i UNRWA-së tha se shkatërrimi sistematik i Izraelit shkel parimet themelore të së drejtës ndërkombëtare dhe zgjeron kontrollin e ushtrisë mbi kampet e refugjatëve në planin afatgjatë.
Friedrich ka bërë thirrje për rindërtimin e kampeve të refugjatëve dhe kthimin e banorëve të zhvendosur.
