Agjencia e OKB-së për refugjatët palestinezë (UNRWA) njofton se mbi 82 përqind e sipërfaqes totale të Rripit të Gazës është aktualisht nën urdhra izraelite për evakuim të detyruar, ndërsa banorët nuk kanë ku të zhvendosen.
UNRWA, organizatë që Izraeli dëshiron ta shpërbëjë me pretendimin se “mbështet terrorizmin”, raportoi gjithashtu se ushtria izraelite sulmoi një tjetër shkollë të saj, e cila shërbente si strehimore për palestinezët e zhvendosur në Gaza, gjatë orëve të para të ditës së hënë, ka shkruar Al Jazeera.
Që nga fillimi i konfliktit, avionët luftarakë izraelitë kanë shkatërruar dhjetëra shkolla të përdorura si strehimore, duke shkaktuar humbje të mëdha në mesin e palestinezëve që kërkonin mbrojtje brenda tyre.
An UNRWA school-turned-shelter in #Gaza was struck early on Monday 30 June by the Israeli Forces. Displaced people were sheltering in the building.
The strike caused significant damage. No injuries were reported.
More than 82% of Gaza is under displacement orders. People have… pic.twitter.com/ES17Ed5ABZ
— UNRWA (@UNRWA) July 1, 2025
