Luka Modric preferon të mbetet të paktën edhe për një vit pjesë e Real Madrid. Kroati edhe pse tashmë është në moshën 37-vjeçare, beson se mund të aktivizohet në nivelet më të larta të futbollit europian, për t’u tërhequr më pas përfundimisht nga fushat e blerta.
Gjithsesi, përtej dëshirës dhe planeve të mesfushorit për të qenë pjesë e Los Blancos, nga Arabia nuk dorëzohen dhe është një nga klubet më të vlerësuar, Al-Ahly Jeddah që kërkon shërbimet e tij. Arabët janë të gatshëm t’i ofrojnë deri në 80 milionë euro në sezon kroatit që patjetër do të ishte një tjetër “brand” më shumë në futbollin e Lindjes së Mesme, pas emrave si Cristiano Ronaldo, Karim Benzema apo Ngolo Kante.
Një shifër kjo e cila është shtatë herë më e lartë nga paga që kroati përfiton aktualisht në kryeqytetin spanjoll dhe që tundon gjithkënd, sidomos në fundin e karrierës si në rastin e Modric.
