Oda Ekonomike e Kosovës ka kërkuar ndërhyrje të menjëhershme fiskale për të mbrojtur bizneset dhe qytetarët për shkak të zhvillimeve të fundit gjeopolitike dhe rritjen e çmimit të naftës në Evropë.
Përmes një komunikatë për media, OEK thekson se rritja e çmimeve të derivateve të naftës ka ndikim të drejtpërdrejtë në inflacion, duke rritur kostot e prodhimit dhe duke ulur standardin e jetesës së qytetarëve, si dhe zhvillimin e përgjithshëm ekonomik.
Për këtë arsye, Oda Ekonomike e Kosovës propozoi që Qeveria të marr masa konkrete fiskale, si: Ulja e tatimit mbi akcizën për derivatet e naftës dhe lirim i përkohshëm nga Tatimi mbi Vlerën e Shtuar (TVSH) për derivatet e naftës, apo së paku duke ulur normën e Tatimit të Vlerës së shtuar./teve1.info/
