Chelsea e nisi mirë sezonin në Ligën Premier, por ata tani kanë mbetur mbrapa në garën për titull të kampionit.
Londinezët në shtatë ndeshjet e fundit në Ligën Premier kanë marrë vetëm një fitore duke barazuar në tre ndeshje të tjera dhe duke pësuar tre disfata.
Ish-futbollisti i Chelseat, John Obi Mikel ka shprehur shqetësimet e tij për skuadrën aktuale, veçanërisht duke kritikuar dy futbollistë të Chelseat.
Nigeriani ka thënë se me portierin Robert Sanchez dhe sulmuesin Nicolas Jackso në formacion, Chelsea nuk mund të fitojë titullin në Angli.
“Sanchez nuk është ai portieri dhe Jackson nuk është ai sulmuesi që do të na bëjë të fitojmë ligën. Katërshja e parë, ata mund të fitojnë, por për të fituar ligën, për të na vendosur aty ku i përkasim, ata nuk janë ata futbollistë”.
“Dhe për mua, ai e tregoi këtë përsëri, Sanchez me atë gabim ndaj Cityt. Çfarë po bën? Duke nxituar? E di nëse telefonon Peter Cech tani, privat, ai do të të thotë të njëjtën gjë, por unë jam i vetmi person që jam duke dalë për ta thënë”, ka deklaruar John Obi Mikel.
Kritika për këtë dyshe ka pasur vazhdimisht, derisa edhe Gary Neville kishte deklaruar se me Robert Sanchez në portë, Chelsea duhet të harrojë se do të fitojë trofe.
