Nurellari tha se tenisoni i situatës mudn të ketë për qëllim shkatërrimin e një arritje të madhe që ka pasur Kosova ndër vite.
“Rreziku është i jashtëzakonshëm, këtu bëhet fjalë për një shkrirje ose shkatërrim të mirëfilltë të një degradimi të një arritje të madhe që ka pasur Kosova, arritje me mundim të madh që është shtrirja e sovranitetit e kontrollit dhe shërbimeve dhe integrimi i strukturave të dikurshme paralele në gjithë vendin”, tha ai.
I ftuar në emisionin ResPublika” në Tëvë1, anëtari i Kryesisë së PDK-së tha se është një situatë alarmante dhe ka rreziqe për përshkallëzim të situatës.
Lidhur me këtë situatë, Nurellari e ka kritikuar edhe kryeministrin e Kosovës, Albin Kurti duke theksuar se ky i fundit i ka pasur kushtet më të favorshme që mund t’i ketë pasur ndonjë lider i Kosovës.
Sipas tij, Kurti është shmangur nga përgjegjësia që ka për të siguruar marrëveshjen për targat.
“Ne e kemi parë çështjen e targave si një çështje teknike e cila është trajtuar para 11 vitesh, si çështje periferike dhe si një tentativë të zotit Kurti për t’u shmangur nga përgjegjësia historike që ai ka për të siguruar këtë marrëveshje të madhe”, deklaroi Nurellari.
Në fundjavën që lam pas, përfaqësuesit e serbëve ofruan dorëheqjen nga institucionet e nivelit lokal në Kosovë, nga Gjyqësori, Policia, si dhe nga Qeveria e Kuvendi i Kosovës. Këto largime ndodhën pasi Qeveria e Kosovës më 1 nëntor nisi zbatimin e planit prej tri fazash për riregjistrimin e makinave me targa të lëshuara nga Serbia në ato RKS (Republika e Kosovës). /teve1.info/
