Deputetët e Partisë Demokratike të Kosovës, bashkë me ata të Aleancës, kanë hyrë në sallën e Kuvendit, aty ku për të disatën ditë me radhë po apelojnë që të ftohet seanca konstituive.
Deputeti i PDK-së, Jakup Nura doli në foltore derisa deklaroi se partia fituese (Lëvizja Vetëvendosje) nuk ka mund ta mbajë shtetin peng.
“Partia fituese nuk ka të drejtë që ta mbajë peng shtetin”, ka thënë Jakup Nura.
Deputetët janë ulur në ulëset e tyre, teksa në ato të mazhorancës (LVV), kanë shpërndarë letrat me mesazhin “Respektoni Kushtetutën. Konstituoni Kuvendin”.
