Në votim morrën pjesë gjithsej 64 deputetë.
Prej tyre 21 deputetë votuan për, 44 kundër dhe 1 abstenim.
Kurse deputeti i AAK-së, Besnik Tahiri, në fjalën e tij përmbyllëse në interpelancën e thirrur nga kjo parti për gjendjen në Kosovë, kërkoi nga deputetët që ta votojnë rezolutën e propozuar për të dalë nga kriza në vend, raporton teve1.info
Tahiri tha se kryeministri Kurti duke e refuzuar propozimin e SHBA-së e solli një problem puro teknik në një problem të situatës së sigurisë në Kosovë.
“Ne jemi duke e ruajtur debatin dhe nuk po hymë në një diskutim i cili e lëndon shtetin tonë, Kosovën në këto rrethana por qasja e sotit vërteton se çkado që vjen nga ky krkah dhe nga ky krah është e papranueshme për kryeministrin dhe Qeverinë. Nëse keni problem me pikën 4 edhe e hjekim, pikën e parë e keni konsumi, për pikën e diskutimit me serbët ne nuk po dimë me kënd je duke diskutu. Ti e din që sjellja jonë opozitare mund të jetë edhe ndryshe por jo në këto rrethana”, tha Tahiri.
Rezoluta e propozuar nga AAK-ja përmbante katër pika:
Qeveria të marr vendim menjëherë për shtyrje të vendimit për targa deri në marrëveshjen finale për njohje me Serbinë.
Institucionet e Kosovës fillojnë dialogun intensiv me serbët e Kosovës për t’u kthyer në institucionet e Kosovës.
Qeveria të nisë komunikimin intensiv me faktorët relevantë në vend, përfshirë opozitën, si nevojë e daljes nga gjendja e krijuar.
Të kërkohet një samit në SHBA, takim disaditorë deri në përmbylljen e marrëveshjes finale për njohje Kosovë-Serbi./teve1.info/
