Ministria e Financave dhe Ministria e Punëve të Brendshme bëjnë të ditur se edhe këtë muaj pagat për zyrtarët publik do të ekzekutohen pa shtesat e parapara në Ligjin për paga.
Përmes një njoftimi për media, theksohet se ende nuk kanë arritur që të korrigjojnë dhe përshtatin të dhënat e të gjithë të punësuarve në sektorin publikë lidhur me shtesat që ata mund të përfitojnë.
Teksa potencohet se verifikimi do të vazhdojë edhe më tej dhe se shtesat për muajin shkurt dhe mars do të paguhen në mënyrë retroaktive në pagën e muajit prill.
“Përkundër punës intensive të komisioneve për përcaktim të shtesave, procesi i trajtimit të të dhënave dhe finalizimit të listave është duke vazhduar, andaj ka njoftuar të gjithë zyrtarët publikë se shtesat e sipërpërmendura për muajin shkurt dhe mars do të paguhen në mënyrë retroaktive në pagën e muajit prill”, thuhet në njoftim.
