Avokati Anton Nrecaj ka thënë se e ka një shpresë sado të vogël për zgjidhjen e çështjes së vrasjes së Diana Kastratit.
“Unë e kam një pikë shprese sado e vogël që është sepse është mundësia e fundit për shtjerrjen e mjeteve juridike, gjitha çka i kemi në dispozicion brenda Republikës së Kosovës nga Gjykata Supreme. Po shpresoj dhe duhet të shpresoj që ata të marrin kohë, s’ka lidhje le të marrin kohë 1 vit, 2 vite, por në fund të jetë një vendim i drejtë dhe ai të jetë si praktikë për të gjithë institucionet e zbatimit të drejtësisë që raste e situata të tila kështu duhet vepru dhe kjo është drejtësia”, ka thënë ai në Ditari në Tëvë 1.
Nrecaj ka thënë se e ka një pikë shprese për vendim të drejtë nga Supremja.
“E kam një pikë shpresë që Gjykata Supreme do ta trajtojë si të tillë, mirëpo prapëseprapë mbetet ta shohim. Në fund të fundit do të isha jashtëzakonisht i lumtur që Gezimi bashkë me të shoqen, aq më tepër vajza e së ndjerës të ndjejë një relaks shpirtëror”, tha Kastrati.
Nrecaj thotë se i dyshuari është ish-bashkëshorti i Dianës, Adnan Jashari, i cili thuhet që jeton në Spanjë. E sipas tij, shteti e ka pasur një mundësi që ta ekstradojë Jasharin, kur rol të rëndësishëm në drejtësi në vend kishte EULEX-i.
“Pretendimet janë që personi i cili e ka vra është bashkëshorti i saj, mirëpo në drejtësi është parimi që përderisa nuk ki aktgjykim të formës së prerë ai person është i pafajshëm. Të vetmen gjë që ka mundur shteti ta bëj, sot i njëjti person është në faqe të Interpolit si person i kërkuar, por ka pasur një momentum shumë të mirë që shteti nuk e ka shfrytëzuar kur i njëjti në një periudhë ka qenë i arrestuar për një vepër penale, në një shtet tjetër pra në Spanjë dhe këtu ka qenë ai problem”, u shpreh Kastrati.
“Ka qenë momentumi shumë i mirë sepse në periudhën kur ka ndodhur kjo situatë këtë pjesën e zbatimit të ligjit dhe krimet e tilla, e ka pasur përgjegjësinë EULEX-i, policia dhe drejtësia e EULEX-it dhe po të ishte bë presion nga institucionet e shtetit, ka pasur mundësi që me u shfrytëzu korniza në bazën e së cilës Spanja ka refuzuar të bashkëpunojë. Spanja e ka njoft misionin e UNMIK-ut dhe ka qenë mundësi shumë e mirë që të shfrytëzohen kanalet e UNMIK-ut që më në fund të nisë zbatimi i drejtësisë”, ka shtuar ai.