Këto veprime ishin nën fokusin e kamerave të medieve, por veprime të menjëhershme kundrejt tyre, nuk patën organet e rendit.
Sipas avokatit, Skender Musa, këta persona do duhej të arrestoheshin automatikisht, për shkak se veprimet e tyre ishin kundër rendit kushtetues.
Megjithëse veprimet nuk ishin të menjëhershme, njohësi i sigurisë, Bedri Elezi, konsideron se Policia e Prokuroria do të ndërmarrin veprime javët në vijim.
Garanci se barrikaduesit nuk do të kenë problem me ligjin, dha presidenti serb, Aleksandër Vuçiq.
Por, sipas Musës, kjo bëhet e mundur vetëm nëse Kosova miraton një ligj të veçantë.
Televizioni ka tentuar të marrë përgjigje nga Policia dhe Prokuroria nëse kanë filluar me hetime ndaj personave që vendosën barrikadat, por të njëjtit nuk kanë kthyer përgjigje.
Kronika e gazetares Florijeta Dernjani.
