Brenda gjashtë ditëven në Kosovë ndodhën tri vrasje.
Si shkak i shpeshtimit të përleshjeve të armatosura e që përfunduan me vdekje, është dikush që po kërkon vendosjen e orës policore.
Kryetari i Komisionit parlamentar për Siguri, Bekë Berisha, po kërkon nga policia e Kosovës një plan konkret për stabilizimin e gjendjes, duke mos e përjashtuar vendosjen e orës policore.
“Para se të gjejmë fajtorin dhe të flasim për fenomenin apo për defektet të mos efikasitetit të sistemit të sigurisë, rendit dhe drejtësisë në vendin tonë. I bëj thirrje drejtorit të policisë të dal me plan konkret, duke ndermarrë veprimet e duhura, që kjo gjendje të stabilizohet. Orë policore”, ka shkruar Berisha.
Këtë kërkesë të Berishës, më pas e komentuan njohësit e çështjeve të sigurisë.
Bedri Elezi, thotë se për t’u vendosur një masë e tillë, nuk janë të plotësuara kriteret e parapara.
Ndërkaq ndryshe mendon Drizan Shala, i cili konisderon se vendosja e një mase të tillë ndihmon organet kompetente të analizojnë situatën ku kanë ngecje në këtë drejtim.
Përgjatë shtatë muajve të këtij viti, ne vend janë raportuar 15 vrasje në Policinë e Kosovës.
