Një person është lënduar si pasojë e një aksidenti trafiku që ka ndodhur të premten pasdite në autostradën “Ibrahim Rugova”, në drejtimin Suharekë-Duhël.
Lajmin për tëvë1.info e ka konfirmuar zëdhënësi i Policisë së Kosovës, Baki Kelani.
Kelani ka bërë të ditur se në aksident janë përfshirë një veturë dhe një kamion.
“Rreth orës 14:00, policia është njoftuar për një aksident trafiku të ndodhur në autostradë, drejtimi Suharekë-Duhël(km39). Në aksident janë përfshirë një veturë dhe një kamion. Si pasojë e aksidentit një person ka kërkuar ndihmë mjekësore. Njësitet policore janë duke u marrë me aksidentin. Policia apelon tek të gjithë pjesëmarrësit në trafik që të kenë kujdes të shtuar gjatë drejtimit të mjetit në këto kushte atmosferike me të reshura”, ka thënë Kelani./teve1.info/
