Një ngjarje e rëndë ka ndodhur në orët e para të mëngjesit të së mërkurës në Gjilan, ku një person është gjetur pa shenja jete në shtëpinë e tij.
Sipas njoftimit të Policisë së Kosovës, rasti është raportuar rreth orës 07:30, ndërsa në vendin e ngjarjes kanë dalë njësitë policore dhe ekipi mjekësor. Mjekët kanë konstatuar vdekjen e viktimës në vendin e ngjarjes.
“Gjilan / 30.07.2025 – 07:30. Është gjetur pa shenja jete në shtëpinë e tij viktima mashkull kosovar. Në vendin e ngjarjes kanë dalë njësitë përkatëse policore, ndërsa ekipi mjekësor ka konstatuar vdekjen e viktimës. Me vendim të prokurorit, trupi i pajetë është dërguar në IML për obduksion”, thuhet në raportin e Policisë së Kosovës.
Rrethanat e vdekjes së viktimës ende nuk dihen, ndërsa hetimet janë duke vazhduar.
