Të shtunën në Qendrën Klinike Universitare të Kosovës (QKUK), ka ndërruar jetë një grua e cila po trajtohej aty nga 12 prilli i këtij viti si pasojë e plagëve të marra në një aksident trafiku që ndodhi në Kllokot.
Në raportin 24-orësh të Policisë bëhet e ditur se trupi i pajetë i viktimës është dërguar në Institutin e Mjekësisë Ligjore për obduksion.
Ndërkaq, i dyshuari për rastin thuhet se është arrestuar dhe me vendim të prokurorit është dërguar në mbajtje.
“Ka ndodhur aksident trafiku në mes dy veturave civile. Si pasojë, lëndime kanë pësuar dy vozitësit meshkuj kosovarë dhe një pasagjere femër kosovare. Pas tretmanit mjekësor njëri nga vozitësit është liruar, ndërsa vozitësi tjetër dhe pasagjerja janë dërguar në QKUK për tretman të mëtutjeshëm. Më 17.05.2025 nga QKUK është raportuar se pasagjerja ka vdekur. Me vendim të prokurorit trupi i pa jetë i viktimës është dërguar në IML për obduksion. I dyshuari është arrestuar dhe me vendim të prokurorit është dërguar në mbajtje”, thuhet në raportin 24-orësh të Policisë së Kosovës.
