Nisi në vitin 2009, por ndërtimi i rrugës Prishtinë – Mitrovicë nuk ka mbaruar ende.
Për rreth 15 vjet projekti u përcoll me probleme. Ende rreth dhjetë kilometra nga gjithsej 40 sosh kanë mbetur pa u përfunduar.
Punimet në rrugën Prishtinë-Mitrovicë pritet të përfundojnë në fillim të vitit 2025, pasi Ministria e Infrastrukturës nënshkroi kontratë të re për këtë rrugë më 8 shkurt të vitit 2024, shkruan REL.
“Ky projekt me probleme të shumta, ka qenë temë diskutimi për një kohë të gjatë dhe një ndër projektet më të stërzgjatura”, tha ministri i Infrastrukturës, Liburn Aliu, më 8 shkurt.
“Që nga sot janë 12 muaj ditë kalendarike. Pra, sot një vit kontraktuesi e ka për detyrim ta dorëzojë projektin e përfunduar”, tha Hysen Durmishi, zëvendësministër i Infrastrukturës.Durmishi tha se kanë analizuar veprimet e tyre në mënyrë që, nëse kompania së cilës ia kanë shkëputur kontratën, e padit shtetin e Kosovës në Gjykatën e Arbitrazhit, ajo të mos mund ta fitojë rastin.Ndërtimi i rrugës Prishtinë – Mitrovicë, që kishte nisur në vitin 2009, nuk ka përfunduar ende.Punëtorë e pajisje u panë duke punuar në një segment të rrugës Prishtinë – Mitrovicë, shkurt 2024.Punëtorë e pajisje u panë duke punuar në një segment të rrugës Prishtinë – Mitrovicë, shkurt 2024.
