Një person i moshuar është gjetur i vdekur gjatë ditës së sotme në fshatin Greikoc të Suharekës.
Kështu ka bërë të ditur për Tëvë1 zëdhënësi i policisë për rajonin e Prizrenit, Shaqir Bytyqi, i cili deklaroi se fillimisht viktima ishte dërguar në QKMF-në në Suharekë.
Tutje, ai tha se familjarët dhe mjekët kanë njoftuar se viktima ka pasur vdekje natyrale, pasi nuk ka pas shenja dhune dhe ka vuajtur nga disa sëmundje kronike.
“Me datën 20.01.2025 , rreth orës 10:30 nga Qendra e Mjekësisë Familjare në Suharekë, policia ka marr informatën se në rrugën “Përparimi” në fshatin Grejkovc është gjetur një person pa shenja jetë. Viktima është mashkull i lindur në vitin 1954 nga fshati Grejkovc, Suharekë. Policia ka dal në vendngjarje dhe me urdhër të prokurorit trupi i pa jetë është dërguar në Institutin e Mjekësisë Ligjore për ekzaminim. Nga deklarata familjareve dhe mjekëve kujdestar besohet se viktima ka pas vdekje natyrale, ngase nuk ka pas shenja dhune dhe ka vuajtur nga disa sëmundje kronike”, ka deklaruar ai.
