Një grua ka goditur me veturë një zyrtar policor, pasditen e së dielës në Kllokot.
Zyrtari policor gjatë kryerjes së detyrës zyrtare ka sinjalizuar veturën që të ndalonte, por e dyshuara gjatë ndaljes, në mënyrë të pakujdesshme me pjesës e përparme të veturës ka goditur policin.
Me ç’rast, zyrtari policor ka kërkuar ndihmë mjekësore në Qendrën Kryesore të Mjekësisë Familjare (QKMF) në Viti, ku pas trajtimit është liruar.
“Raportohet për një aksident trafiku ku zyrtari policor derisa ishte në kryerje të detyrës zyrtare, ka sinjalizuar një veturë për ndalim të cilën e drejtonte e dyshuara femër kosovare . E dyshuara gjatë ndaljes në mënyrë të pakujdesshme me pjesën e përparme të veturës ka goditur zyrtarin policor me ç’rast i njëjti ka kërkuar ndihmë mjekësore në QKMF Viti dhe pas tretmanit mjekësor është liruar”, thuhet në raportin ditor të Policisë së Kosovës./teve1.info/
