Secila prej shtëpive mban brenda histori të ndryshme jete që nisin me dhimbje e përfundojnë me shpresë.
Muret në Sos Fshatin në Prishtinë janë kthyer në strehe për shumë fëmijë e të rinj anë e mbanë Kosovës.
Me qëllimin e vetëm që fëmijët pa përkujdesje prindërore të rriten të pavarur, të zhvillohen dhe të kenë një fëmijë sa më të mirë, Sos Fshati vazhdon misionin e tij.
Por se si ishin për ta këto 365 ditë tregoi drejtoresha e programit Ora Bytyçi.
“Gjatë viti 2025 ne kemi ofruar kujdes për 30 fëmijë dhe 12 të rijnë që janë pa kujdese prindërore. Njëkohësisht kemi vazhduar të punojmë fort në parandalimin e braktisjes së fëmijëve përmes programit të fuqizimit të familjes i kemi përkrahur e kemi qenë pranë 200 familjeve dhe 600 fëmijëve të cilët jetojnë më prindërit e tyre por që ballafaqohen me sfida të ndryshme”, tregoi Bytyçi.
Sfidat, sipas Bytyçit, bëhen me të lehta fal sos nënës dhe sos tezës që përkujdesen çdo ditë për këta fëmijë.
“Sos nëna dhe sos tezja mund të kujdesën deri në pesë fëmijë, pra një sos familje mund t’i ketë deri në pesë fëmijë, në qoftë se kemi vëllezër dhe motra biologjik, ne nuk i ndajmë e ndonjëherë ndodh që janë edhe gjashtë fëmijë, por ndonjëherë ndodh që janë edhe më pak. Ky është ai kapaciteti që sos nëna dhe sos tezja mund të kujdesën për to. Fëmijët të cilët vijnë në sos fshat edhe nëse nuk janë vëllezër dhe motra biologjikë jetojnë si një familje”.
Por Sos Fshati këta fëmijë nuk i lë pa përkujdesje as pas moshës madhore.
“Kur fëmijët arrijnë moshën 18 vjeçe ata kalojnë në programin e gjysmë pavarësimit. Kjo do të thotë që ata nuk jetojnë më në sos familje marrin një banesë me qera, nëse janë duke studiuar vazhdojnë studimet, nëse kanë mundësi të punojnë, punojnë një punë më orar të shkurtuar, apo edhe nëse nuk janë duke punuar ne kujdesemi ju ndihmojmë avokojmë për ta që të gjejnë një punë dhe të jenë të zotë e vetvetes”.
Emocione që nuk di si t’i përshkruaj janë vet momentet kur fëmijët e Sosit arsimohen dhe pavarësohen.
“Një prej momenteve që e kisha nda është kur një prej vajzave tona diplomoi edhe e kreu fakultetin, me të vërtetë për ne ka qenë një arritje e madhe sepse aty kemi qef me i pa fëmijët”, tregoi ajo.
Pavarësisht sfidave me të cilat përballen, ata këtë viti e cilësuan si vit të suksesshëm falë suksesit të fëmijëve.
