Me 18 korrik nisi mbledhja e nënshkrimeve për një Ferizaj pa “Urosevac”.
Qytetarët e Ferizajt u ftuan të mbështesin peticionin për heqjen e këtij emërtimi nga dokumentet, tabelat, regjistrat dhe komunikimet zyrtare.
Peticioni u mbyll më 31 gusht, me gjithsej 14 mijë e 140 nënshkrime.
E kërkesa e kësaj nisme, sipas iniciatorit është e përcaktuar qartë.
“Kërkesa pra ka të bëjë me shfuqizimin e emertimit zyrtar Urosevac në dokumente, tabele, regjistra dhe lenia në një përdorim të vetëm zyrtar të emertimit historik Ferizaj në regjistra, dokumenta, në tabela në gjitha komunikimet zyrtare dhe kudo tjetër në gjuhën shqipe, serbe dhe angleze. Pse ka rendsi kjo potencimi qe ne po duhet ta lemë dhe kjo është e dokumentime tash me vullnet të qytetarëve është që emertimi Ferizaj të mbetet në tri gjuhet, kjo iniciativë nuk ka te bëj asgjë kundër një komuniteti”, shprehet Bashkim Fazliu-iniciator i nismës.
E kuota prej 10 mijë nënshkrimesh u arrit që në fillim të gushtit.
“Dikun me 3 gusht e kemi mbrri kuoten mbi 10.000 mijë nënshkrime, ndërsa për arsye që nuk ka qenë i konstitum kuvendi kemi vazhdu me peticionin, ku është mbyll me 31 gusht dhe gjatë kësaj periudhe janë mbledh dikund 14 mijë e 140 nënshkrime të qytetarëve të Ferizajt pra të komunës së Ferizajt”, tregon ai.
Tani, peticioni me mijëra nënshkrime do të dorëzohet nesër në Kuvendin e Kosovës.
E data e dorëzimit sipas Fazliut, ka edhe një domethënie tjetër për Ferizajn.
“Meqenëse jemi afër një dite të rendesishme për Ferizajn, një ditë simbolike është 28 shtatori është dita e dëshmorëve të Ferizajt dhe prandaj për nder të respektetit të madh dhe kontributit dhe renies se deshmoreve për liri dhe pavarësi. Vendosa që neser nga ora 10 ta dorëzojm në Kuvend”, thotw ai.
Në mbështetje të kësaj nisme dolën edhe partitë opozitare në Komunën e Ferizajt, si dhe përfaqësues të komuniteteve joshumicë.
