Forca e Sigurisë së Kosovës po finalizon përgatitjet për një nga ushtrimet më të rëndësishme të këtij viti – DV-Day të ushtrimit fushor “Ujku Shigjetë”.
Komandanti i FSK-së, Gjenerallejtënant Bashkim Jashari, ka ndjekur nga afër demonstrimet finale, duke u informuar në detaje për ecurinë dhe skenarin e ushtrimit.
Sipas njoftimit të FSK-së, Komanda e Forcës Tokësore ka mbajtur një brifing të plotë lidhur me rrjedhën e stërvitjes dhe objektivat që synohen të arrihen gjatë DV-Day.
Ky ushtrim synon të testojë gatishmërinë operacionale, bashkëveprimin ndërnjësit dhe efikasitetin e komandimit në situata fushore, duke dëshmuar profesionalizmin e lartë të pjesëtarëve të Forcës së Sigurisë së Kosovës.
