Ka filluar mbledhja e parë e Kryesisë së Kuvendit të Kosovës, pas konstituimit të legjislaturës së nëntë.
Të pranishëm në mbledhje të Kryesisë janë të gjithë nënkryetarët e legjislativit, si dhe përfaqësuesit e grupeve parlamentare të LVV-së, PDK-së, LDK-së, si dhe komuniteteve jo serbe.
Ndërkaq po punojmë përfaqësuesit nga AAK-ja si dhe Lista Serbe.
Kryesia e Kuvendit pritet të diskutojë për funksionalizimin e trupave punuese të Kuvendit si dhe rreth miratimit të buxheteve komunale për vitin 2025 për komunat Prishtinë, Gjilan dhe Zubin Potok.
Bazuar në përbërjen aktuale dhe në formulën për ndarjen e vendeve në Kuvend, nëse Aleanca për Ardhmërinë e Kosovës dhe Nisma do të formojnë një grup parlamentar, atëherë Lëvizja Vetëvendosje do të udhëheqë me gjashtë komisione, Partia Demokratike e Kosovës me tre, Lidhja Demokratike e Kosovës me dy, ndërsa AAK-ja dhe përfaqësuesit e komuniteteve me nga një.
