Fabio Pecchia i befasoi të gjithë me Cremonesen këtë sezon në Serinë B, duke ia dalë të ngjitë skuadrën lombarde në elitën e futbollit italian, falë vendit të dyte në renditje.
Por nëse Cremonese do të garojë sezon në Serinë A, vetë Pecchia do të mbetet në Serinë B, pasi ka vendosur të marrë drejtimin e emilianëve të Parmës.
Zyrtarizimi ka ardhur gjatë ditës së enjte, me drejtuesit e Parmës që janë të bindur se 48-vjeçari është timonieri i duhur për të drejtuar skuadrën në rrugën e rikthimit në Serinë A.
