Britania e Madhe nuk do ta mbështesë formimin e “Republikës Srpska” në Kosovë, tha kryetarja e Komisionit për Politikë të Jashtme në Parlamentin britanik, Alicia Kearns.
Ajo duke folur për planin franko-gjerman tha se paqartësia e gjuhës në këtë plan është problematike.
“Paqartësia e gjuhës në planin [francezo-gjerman] është problematike. Flitet për vetëqeverisje. Çfarë do të thotë? A do të thotë kjo degë e ujit, rrymës dhe gazit, apo vetëqeverisje do të thotë struktura të veçanta qeverisëse? Ne nuk duhet të lejojmë ‘Republikën Srpska’ në Kosovë”, tha Kearns për Al Jazeera.
Ajo tha se Britania e Madhe mbetet absolutisht e përkushtuar ndaj stabilitetit në Ballkanin Perëndimor.
“Ka aspekte të mira të planit franko-gjermano-amerikan, por formimi i një enklavë serbe është diçka që Britania e Madhe nuk e mbështet”, ka thënë ajo.
Shtetet e Bashkuar por edhe ato të BE-së kanë bërë thirrje që Kosova ta formojë Asociacionin për të cilin kanë thënë se nuk e cenon sovranitetin e Kosovës.
Zyrtarë të SHBA-së përfshirë Escobar dhe ambasadorin amerikan në Kosovë poashtu kanë thënë se nuk e mbështesin një Asociacion si ai në Bosnjë e Hercegovinë.
Serbia insiston që Asociacioni të formohet, kurse kryeministri i Kosovës, Albin Kurti, javë më parë ka propozuar gjashtë pika si parakusht për formimin e Asociacionit./teve1.info/
