Ish-ambasadori i Shqipërisë në OKB, Agim Nesho, ka komentuar pjesëmarrjen e Kosovës në Bordit e Paqes në një intervistë në emisionin “Mesditë” në Tëvë1.
“Në fakt ishte një kënaqësi e madhe që kombi shqiptar do të përfaqësohet në bordin e paqes në një iniciativë të presidentit Trump, pikërisht nga Kosova, nga zemra e shqiptarizmit, një vend i ri, një shtet më i ri në Evropë, por me standarde jashtëzakonshme të demokracisë. Si tillë, mendova se na bëri të gjithëve krenar që presidentja e Kosovës ishte nënshkruese e parë në këtë nismë,” tha Nesho.
Ai shtoi se disa interpretuan pjesëmarrjen si një ftesë ekskluzive për kryeministrin shqiptar Edi Rama, por realiteti ishte ndryshe.
“U pretendua sikur ishte një ftesë e veçantë për kryeministrin Rama, por që ishte krejt e kundërta. Nuk u ftua kryeministri Rama, por vendin e kombit shqiptar, me më shumë dinjitet, e zuri presidentja e Kosovës, zonja Osmani.”, ka thënë Nesho.
Ky moment konsiderohet si një arritje e rëndësishme për Kosovën dhe për përfaqësimin shqiptar në arenën ndërkombëtare, duke theksuar rolin e saj në iniciativat për paqen dhe stabilitetin global.
