Ministri i Punëve të Brendshme, Xhelal Sveçla ka nënshkruar memorandum bashkëpunimi përmes së cilit pjesëtarët e Policisë së Kosovës dhe Zjarrfikësit do të përfitojnë zbritje në shërbime hoteliere, restorante dhe bujtina në Republikën e Shqipërisë.
Sveçla falënderoi bizneset shqiptare për gatishmërinë dhe bashkëpunimin në këtë iniciativë.
Nënshkrimi ndodhi në takimin që ministri pati me përfaqësuesit e Aleancës Kosovare të Bizneseve, të përfaqësuar nga Agim Shahini si dhe me përfaqësuesin e Shoqatës së Restoranteve dhe Bujtinave Shqiptare, Kujtim Dervishi.
“Takimi ndodhi në prani të menaxhmentit të Policisë së Kosovës dhe Agjencisë së Menaxhimit të Emergjencave, si dhe përfaqësuesve të dy sindikatave dhe disa bizneseve shqiptare. Me këtë rast, nënshkruan memorandum bashkëpunimi përmes së cilit pjesëtarët e Policisë së Kosovës dhe Zjarrfikësit do të përfitojnë zbritje në shërbime hoteliere, restaurante dhe bujtina të bizneseve anëtare të ShRBSh-së në Republikën e Shqipërisë”, thuhet në njoftimin e kësaj ministrie. /teve1.info/