Kombëtarja shqiptare rikthehet sonte në fushë për një tjetër aventurë kuqezi, teksa në stadiumin “Air Albania” pret Bjellorusinë në kuadër të Ligës së Kombeve.
Ndeshja do të zhvillohet nga ora 20:45, ndërsa kjo përballje shënon nisjen e një cikli të ri për kuqezinjtë, nën drejtimin e trajnerit Rolando Maran.
Shqipëria do të kërkojë ta nisë këtë rrugëtim me rezultat pozitiv, duke shpresuar edhe në mbështetjen e tifozëve në “Air Albania”.
Kujtimet nga përballja e fundit në Tiranë janë pozitive për kuqezinjtë, pasi Shqipëria shënoi tre gola ndaj Bjellorusisë dhe siguroi fitoren.
Pas sfidës së sontme, Shqipëria do të udhëtojë drejt San Marinos, ku të martën do të zhvillojë ndeshjen e radhës në këtë kompeticion.
