Në qendrën e votimit 2901B në Zveçan ani pse materialet kanë arritur në orën 07:03, deri në ora 07:40 nuk janë bërë përgatitjet që të nisë votimi. Kjo është qendra më e madhe e votimit në Zveçan. Mbi 5 mijë persona kanë të drejtë vote në këtë qendër nga gjithsej 6998 qytetarë sa kanë të drejtë vote në gjithë Zveçanin.
Kështu ka raportuar nga terreni gazetari i Tëvë1 Arton Rama, i cili ka thënë se nuk ka pasur interes për votim gjatë minutave të para.
“Në këto 30 minuta nuk ka ardhur askush pra që të votojë këtu në këtë qendër votimi, nga 5 sosh sa janë hapur në qytetin e Zveçanit. Anipse Policia e Kosovës që nga ora 6:30 ka qenë e paranishme, po ashtku KQZ ka ardhur qysh para prës 07:00 duke sjellë edhe materialet e nevojshme për mbarëvajtjen e zgjedhjeve deri tani nuk ka ardhur për të votuar në këtë qendër asnjë qytetar”.
Gazetari Rama ka thënë se sa i përket sigurisë, gjithçka ka qenë e qetë dhe përveç policisë afër po qëndrojnë edhe njësi të EULEX-it dhe të KFOR-it.
“Deri tani gjithçka ka qenë e qetë, ekipet tjera të KFOR-it dhe EULEX-it po vazhdojnë të qarkullojnë dhe të qëndrojnë të stacionuara kohë pas kohe në afërsi të kësaj qendre votimi”, ka thënë Rama.
Në Zveçan janë 6 mijë e 998 votues. Kandidatë janë Ilir Peci nga PDK, Sllagjana Pantoviq, kandidate e pavarur dhe Fetah Peci nga LVV.
