Në javën e parë të janarit të vitit 2024 janë raportuar mbi 5 mijë e 700 raste të gripit sezonal ka njoftuar Instituti Kombëtar i Shëndetësisë Publike.
Sipas institutit rastet e paraqitur me grip janë në aktivitetin e lartë të qarkullimit duke kaluar pragun epidemik.
Ndërsa, rreth 40 mijë raste të gripit sezonal janë regjistruar nga 2 tetori e deri më 7 janar.
“Bazuar në të dhënat nga mbikëqyrja permanente e situatës epidemiologjike përmes hulumtimit aktiv dhe pasive të institucioneve shëndetësore dhe në terren për Influenzën sezonale (ILI), për Infeksionet respiratore akute (ARI) dhe Infeksionin e rëndë respirator akut (SARI), IKSHPK bën të ditur se intensiteti i Influencës sezonale (Gripit) sipas numrit të rasteve të raportuara për javën e parë të vitit 2024 paraqitet në aktivitetin e lartë të qarkullimit, ka shënuar rritje dhe e ka kaluar pragun”, thuhet në njoftimin e IKSHPK-së, përcjell teve1.info
Sa i përket rasteve me Covid-19 IKSHPK ka bërë të ditur se që nga sezona e gripit dimëror deri më 7 janar janë testuar 326 mostra nga pacientët, si raste të dyshimta për COVID-19. Nga to 63 kanë dalë pozitive (19.32 për qind).
IKSHPK-ja ka treguar edhe masat më efikase në parandalimin e gripit sezonal. Parandalimi më i mirë sipas institutit bëhet përmes vaksinimit.
Ky institut ka thënë se i ka siguruar 85 mijë doza të vaksinës dhe se ato mund të merren në çdo komunë. Efekti i vaksinës fillon 1 deri 2 javë pas marrjes.
