Eksperti i çështjeve të sigurisë dhe marrëdhënieve ndërkombëtare, Ilir Kulla, të hënën gjatë emisionit “Matrix” në Tëvë1 ka folur për rolin e arbreshëve si pjesë thelbësore e historisë dhe kulturës shqiptare.
Duke përdorur një hartë, Kulla ka treguar se shkolla e parë ku kanë studiuar rilindësit shqiptarë ndodhet në provincën e Kozencës, në Shën Mitri (San Demetrio Corone).
Ai ka theksuar se kjo shkollë është themeluar rreth 100 vite para krijimit të shtetit shqiptar dhe një shekull para shkollës së Korçës.
“Shën Mitri, ose San Demetrio Korona, është i rëndësishëm sepse këtu është vendi ku kemi pasur shkollën e parë të gjuhës shqipe, 2028 vite më parë. Para tetë vitesh, presidenti Meta dhe presidenti Mattarella shkuan për të kujtuar shkollën e parë ku kanë studiuar rilindësit tanë. Kjo ndodhet në provincën e Kozencës, Shën Mitër Korona, ose San Demetrio, siç e quajnë ata. Shkolla e parë është rreth 100 vjet përpara se ne të themelonim shtetin dhe 100 vjet para shkollës së Korçës. Këtu kanë studiuar rilindësit tanë, si De Rada e të tjerë, të cilët kanë përgatitur rilindjen kombëtare shqiptare”, ka thënë Kulla.
