Juristi, Anton Ndrecaj ka thënë se kërkesa e Prokurorisë Speciale për dënim prej 45 viteve burgim për secilin nga ish-krerët e UÇK-së është e pabazuar.
Ai ka thënë se kjo më shumë është një “fontan dëshirash”.
Ndrecaj në emisionin “Mesditë” ka thënë se dënime të tilla nuk ka shqiptuar as Gjykata e Nurembergut.
“Më shumë fontan dëshirash se argumentin i aktakuzës që do të mund ta mbrojnë dhe i qëndrojnë besnik. Ka kundërshti brenda asaj çfarë ka pretenduar dhe Prokuroria Speciale. Ka një paqartësi dhe mund të përdoret nga pala mbrojtëse. Absurditeti tjetër është se as në Gjykatën e Nurembergut nuk ka pas dënim prej 45 vite.
Ndërsa, Amer Aliaj, nga Fondi për të Drejtën Humanitare ka thënë se Prokuroria zakonisht ka kërkesa për dënime të larta, por siç ka thënë ai vendimi përfundimtar mund të mos jetë aq sa ka kërkuar.
Aliaj ka përmendur edhe raste ndaj Salih Mustafës e Pjetër Shalës, ku kërkesa e Prokurorisë ka qenë më e lartë se nga vendimi që kishte propozuar Prokuroria.
Kryeprokurorja e Speciales kërkon dënim 45 vjet për ish-krerët e UÇK-së
