Komuna e Vushtrrisë e ka ndërprerë për dy ditë mësimin në të gjitha shkollat e nivelit parauniversitar, si pasojë e vërshimeve nga shiu, raporton teve1.info
Lajmin për teve1.info e ka konfirmuar drejtori i Arsimit në këtë Komunë, Dardan Abazi, i cili tha se dëmtimet nëpër shkolla janë kryesisht nëpër oborre.
“Është dashtë me ndërpre mësimin për sot e nesër, një pjesë të shkollave e kemi të dëmtuar nga vërshimet, kryesisht oborret, një pjesë tjetër pengohet transporti dhe është prezent rreziku për vërshime të reja. Një pjesë të objekteve të shkollave që nuk janë të prekura, po i përgatisim që eventualisht t’i shfrytëzojmë për hapësira për evakuim”, tha Abazi.
Drejtori i DKA-së në Vushtrri, deklaroi se ky vendim vlen deri në njoftimin e radhës.
Ndërsa tha se është krijuar një komision ad-hoc për vlerësimin e dëmeve.
