Në fshatin Meqë të Gjakovës, një person ka humbur jetën në vendin e punës.
Sipas hetimeve fillestare, dyshohet se gjatë procesit të punës shoferi i një kamioni ka humbur kontrollin mbi mjetin, i cili ka rrëshqitur.
Si pasojë, një punëtor, i cili ndodhej në afërsi të mjetit, ka mbetur i bllokuar poshtë kamionit.
Për këtë rast, zëdhënësi i Prokurorisë në Gjakovë, Drin Domi ka deklaruar për Tëvë1 se një person është ndaluar për 48 orë për shkak të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.
Domi ka bërë të ditur se Prokurori i Shtetit në koordinim me Policinë e Kosovës dhe Institucionet e tjera përkatëse janë duke u marrë me rastin./teve1.info/
