Forca të Policisë, EULEX-it e KFOR-it kishin dalë në teren pas sulmit të objektit të KQZ-së në veri të vendit.
Kësisoj, përgatitja e materialeve për zgjedhjet e jashtëzakonshme të parapara për në dhjetor, ishin pamundësuar.
Megjithëkëtë, Komisioni Qendror Zgjedhor ka ndarë mjete për sigurimin e objekteve të saj në qendër, por jo edhe për përfaqësitë e saj nëpër komuna.
“Përmes kontratës në fjalë do të bëhet vetëm sigurimi i objektit ku ndodhet Qendra e Numërimit dhe Rezultateve. Ky objekt është siguruar edhe në të kaluarën. Në komuna nuk bëhet sigurim i objekteve, pasi shumica prej tyre ndodhen në objekte komunale”, bën të ditur zëdhënësi i KQZ-së, Valmir Elezi.
Sigurimi për 36 muaj kushtoi mbi 29 mijë euro.
Në kontratë u argumentua se pse duhet një masë e tillë.
Sigurimi fizik në këto periudha kohore, parashihet të jetë 24 orësh.
Kronika e realizuar nga gazetarja Florijeta Dernjani.
