Është vetëm çështje kohe përpara se të zyrtarizohet vazhdimi i bashkëpunimit ndërmjet Amir Rrahmanit dhe skuadrës së Napolit.
Marrëveshja mes palëve tashmë është arritur dhe këtë muaj pritet të bëhet zyrtare, kanë njoftuar mediumet italiane të enjten.
Me rinovimin e kontratës që i skadon në vitin 2027, Rrahmanit do të rritet paga vjetore nga 2.5 milionë në 4 milionë euro neto në vit.
E kontrata mes palëve do të jetë deri në qershorin e vitit 2028, dhe jo deri në vitin 2029 siç ishte raportuar më herët, pasi nuk do ta ketë opsionin e vazhdimit.
31-vjeçari vlerësohet lart te Napoli, ekip të cilit iu bashkua në vitin 2020 dhe më të cilin ka fituar dy tituj kampioni në Serie A.
Përkundër telasheve me lëndimet në fillim të këtij sezoni, Rrahmani ka regjistruar 4 paraqitje në të gjitha garat për Napolin dhe është startues i padiskutueshëm në formacionin e trajnerit Antonio Conte.
