Atalanta shënoi fitore të thellë, 3:0, ndaj Napolit më 3 nëntor në kuadër të javës së 11-të të Serie A.
Dhe Napoli tashmë e ka shansin që të revanshohet.
Derbi i xhiros së 21-të të kampionatit italian mes Atalantas dhe Napolit do të luhet të shtunën nga ora 20:45 në Bergamo.
Skuadra e drejtuar nga Antonio Conte, Napoli, është lider me 47 pikë nga 20 ndeshje të zhvilluara.
Atalanta ka tri pikë më pak dhe është në vendin e tretë.
Në rast të fitores, skuadra e Berat Gjimshitit, Atalanta, do t’ia rrezikonte pozitën e parë skuadrës së Amir Rrahmanit, Napolit.
Derbi tjetër që luhet të shtunën është ai ndërmjet Juventusit dhe Milanit. Kjo ndeshje fillon në ora 18:00.
Milani është i pamposhtur në shtatë ndeshjet e fundit si mysafir ndaj Juventusit në të gjitha garat.
Ndërsa Juventusi nuk ka humbje në 28 ndeshjet e fundit në Serie A.
Ditë më parë skuadra e drejtuar nga trajneri Sergio Conceiçao, Milani, e eliminoi Juventusin në gjysmëfinalen e Superkupës së Italisë.
Juventusi është në pozitën e pestë me 34 pikë. Është ekipi i vetëm që nuk ka pësuar ende disfatë këtë edicion.
Milani ka tri pikë më pak dhe renditet në pozitën e shtatë.
Kampioni në fuqi i Serie A, Interi, të dielën e pret Empolin nga ora 20:45.
Interi pas 19 ndeshjeve të luajtura ka 44 pikë dhe është zë vendin e dytë me 44 pikë.
