I ftuar në emisionin” InfoNata”, Mustafa tha se ideja për të pasur dy kryetarë në parti ka qenë edhe çështje e barazisë gjinore.
“Ky propozim ka qenë direkt prej zonjës Gërvalla. Diku një javë para kuvendit zonja Gërvalla ka propozuar që ne të shkojmë me dy kandidatë. Mirëpo kjo dy kandidatë unë nuk e di pse po i pengon dikujt, edhe pse po tingëllon kështu. Unë mendoj se tash duhet të ndalemi edhe të çështja e barazisë gjinore. Kjo ka të bëjë edhe me barazinë gjinore, sepse ne e kemi caktuar me statut të partisë kemi thënë një kandidat duhet të jetë femër dhe një mashkull ashtu edhe kemi vendos”, tha ai.
Tutje deputeti theksoi se zgjedhja e dy kandidatëve ka pasë për qëllim decentralizimin e pushtetit nga vetëm një kryetar.
“Mirëpo këtu është edhe një cështje tjeter që e kemi diskutuar sepse ne nuk kemi dashtë me e centralizu pushtetin vetëm te një kryetar kemi dashur ta bëjmë decentralizimin e pushtetit. Sepse ne e dimë se si funksionon skena politike në Kosovë dhe ne kemi dalë me një qëndrim me një mbledhje të kryesisë të akterëve të partisë Guxo, dhe ne e kemi menduar që është më e mira të shkojmë me dy kandidatë”, tha tutje ai./teve1.info.