Deputeti i Lidhjes Demokratike të Kosovës, Besian Mustafa në mbledhjen e Kuvendit të Kosovës për kontratat njëburimore, ka akuzuar Qeverinë për krye shefin e KEK-ut, i cili sipas tij, është arrestuar për korrupsion, siç tha ai, për tender njëburimor.
“Vetëvendosje ju keni harru, që krye shefin qe e keni emërua ju të KEK-ut, është arrestuar për korrupsion për tender njëburimor”, u shpreh Mustafa në fjalimin e tij.
Ai tutje u shpreh se në Ministrinë e Ekonomisë, duke i përfshirë ndërmarrjet publike si KEK-un, Postën dhe Telekomin nga viti 2021, sipas tij 151 kontrata burimore janë të negociuara.
“Në Ministrinë e Ekonomisë duke përfshirë edhe ndërmarrjet publike që raportojnë Ministrisë së Ekonomisë, duke përfshirë KEK-un, Postën dhe Telekomin prej periudhës 2021 e deri më tani 151 kontrata burimore, pra të negociuara”, tha Mustafa.
Ndryshe, deputeti i LDK-së tha se në Parlamentin e Kosovës, Komisionet Parlamentare Hetimore janë e drejtë kushtetuese.
“Në këtë Parlament të Republikës së Kosovës, Komisionet Parlamentare Hetimore janë e drejtë kushtetuese”, deklaroi Mustafa./teve1.info/