Eksperti i sigurisë, Agim Musliu, e ka cilësuar si një nga rastet më serioze dhe më të suksesshme në fushën e kundërzbulimit, arrestimin e zyrtarit të Policisë së Kosovës, Boran Jevtiq, nën dyshimet për spiunazh për llogari të BIA-s serbe.
Sipas Musliut, hetimet disa mujore nga Agjencia e Kosovës për Inteligjencë (AKI) dhe Prokuroria Speciale tregojnë përkushtim dhe koordinim për të goditur rrjete të fshehta me prani në institucionet kosovare të sigurisë.
Ai po ashtu ka theksuar se gjetja e dokumenteve të Shoqatës Ndërkombëtare të Policisë (IPA), ku janë anëtare Serbia dhe Rusia, por jo Kosova, ngre dyshime për rrjete paralele komunikimi jashtë kanaleve zyrtare.
“Përfshirja e një zyrtari policor në këtë rast thekson nevojën për vigjilencë të shtuar institucionale ndaj rrjedhjes së informacioneve të ndjeshme”, ka shkruar Musliu në Facebook.
Si u zbulua togeri policor që po bashkëpunonte me BIA-m serbe, detaje nga aksioni
“Armë, dy milionë denarë serbë” – Krejt çka u gjet në shtëpinë e policit të dyshuar për spiunazh
