Presidenti serb, Aleksandar Vuçiq ka mohuar pjesëmarrjen e tij në të ashtuquajturën “Safari Snajper”, ndërkohë presidenti Vuçiq, në një intervistë të vitit 1994, kishte pranuar se ishte paraqitur si vullnetar në Sarajevë gjatë fillimit të luftës në Bosnjë.
Në atë intervistë, ai kishte deklaruar “Kur filloi lufta në Bosnje, unë shkova në Sarajevë dhe u paraqita si vullnetar… Kam qenë për një kohë në varrezat hebreje.”
Për këtë, eksperti i sigurisë, Agim Musliu, thekson se deklarimet e Vuçiqit ngrejnë pyetje të rëndësishme rreth rolit të tij në atë periudhë, duke kërkuar që ato të trajtohen me seriozitet dhe të shihen në kontekst të përgjegjësive politike që ai mban sot.
Sipas Musliut, deklarata të tilla, të kombinuara me veprimtarinë aktuale të strukturave ilegale serbe në veri të Kosovës, e bëjnë të domosdoshme rikthimin e vëmendjes ndaj së kaluarës së Vuçiqit.
Derisa, Musliu ka kërkuar përgjigje duke pyetur se çfarë ka bërë Vuçiqi saktë në pozicionin e varrezave hebreje dhe në çfarë operacione ka marrë pjesë?
Tutje, ai ka thënë se Vuçiqi është i njëjti me Milan Radojqiqin i cili sipas tij, dirigjon struktura ilegale serbe në Kosovë./teve1.info/
