Pas u shpall lojtari i muajit janar në La Liga, sulmuesi Vedat Muriqi është i gatshëm për ta vazhduar formën e mirë të këtij viti edhe në muajin shkurt.
Sulmuesi i Kosovës, do t’i prijë repartit ofensiv të Mallorcas kundër skuadrës së Sevillas, ndeshje kjo që luhet sot prej orës 21:00 dhe i takon xhiros së 22-të në kampionatin spanjoll.
Muriqi shkëlqeu në muajin janar, ku shënoi pesë gola për Mallorcan për ta fituar epitetin e lojtarit më të mirë, dhe tani synon golin edhe ndaj Sevillas.
Të dyja skuadrat po luftojnë për mbijetesë, por Mallorca luan në shtëpi dhe bazohet në formën e mirë të sulmuesit 31-vjeçar, që vazhdon të mbetet lojtari kryesor i ekipit.
Muriqi, i cili ka kontratë deri në vitin 2029 me Mallorcan, aktualisht është golashënuesi i dytë më i mirë në La Liga me 14 gola të realizuar në 20 paraqitje.
Mallorca është e 18-ta në tabelë dhe rrezikon rënien nga La Liga më 21 pikë, tri më pak se Sevilla që renditet e 14-ta.
