Sulmuesi i Kombëtares së Kosovës, Vedat Muriqi është ndarë i kënaqur me barazimin e Mallorcas ndaj Athletic Bilbaos në La Ligaa.
Mallorca, të martën luajti pa gola në shtëpi në duelin që i takoi javës së 11-t të kampionatit spanjoll.
Muriqi ishte titullar dhe luajti deri në minutën e 90-të, ndërsa Mallorca prej minutës së 20-të luajti me një lojtar më pak.
Sulmuesi kosovar ka thënë se është një pikë e rëndësishme, ndërsa ka pranuar se Mallorca ka merituar fitoren pasi lëshoi një rast të mirë shënimi në fillim të ndeshjes.
“Është një pikë shumë e mirë dhe jam krenar për ekipin dhe bashkëlojtarët, ndonëse kemi merituar më shumë. Duke pasur parasysh se luajtëm për 70-të minuta me një lojtar më pak, mendoj se duhet të ndihemi krenar me barazimin ndaj Bilbaos”, ka thënë Muriqi.
Për Muriqin, kjo ishte paraqitje e tetë sezonale në La Liga, ku ka realizuar dy gola dhe ka bërë 1 asistim.
Aktualisht, Mallorca është e shtata në tabelë me 18 pikë të grumbulluara.
