Sulmuesi i Kombëtares së Kosovës, Vedat Muriqi i është bashkuar skuadrës së Mallorcas, që këtë javë do të filloj me përgatitjet për sezonin e ri.
Në fakt, Muriqi ishte prej futbollistëve të parë të Mallorcas që u paraqit për kontrollimet mjekësore dhe konfirmoi se do të jetë plotësisht i gatshëm për sezonin e ri.
Të enjten, Mallorca zyrtarisht nis përgatitjet nën urdhrat e trajnerit Jagoba Arrasate, saktësisht 47 ditë pas përfundimit të sezonit 2024/25.
Muriqi ka thënë se me padurim pret sezonin e ri, duke shtuar se beson që do të jetë në formë të mirë për ta ndihmuar Mallorcan të arrijë objektivat.
31-vjeçari duket se do të mbetet te Mallorca përkundër interesimit nga Turqia për shërbimet e tij.
Muriqi ka kontratë me Mallorcan deri në vitin 2027, ndërsa sezonin e shkuar nuk tregoi formë të mirë pasi shënoi vetëm 7 gola në 29 ndeshje kampionale.
