Ministri i Financave, Hekuran Murati, ka thënë se në tremujorin e parë të vitit 2023 është shënuar numër rekord i bizneseve të hapura.
Murati ka thënë se në këtë periudhë janë regjistruar gjithsej 3,086 biznese të reja, që sipas tij paraqet shifrën më të larë të regjistruar ndonjëherë.
Sipas Muratit, ekonomia e vendit po vazhdon zgjerimin përkundër krizave globale, shkruan teve1.info.
Ndërsa, lajm të mirë e ka quajtur edhe faktin që në sektorin e prodhimit janë hapur 353 biznese të reja, gjë që ka thënë se e bën sektorin e dytë, menjëherë pas tregtisë.
“Sipas komunave, prin Prishtina me 862 biznese të hapura, që len pas Ferizajn me 267 biznese të hapura, kurse në vendin e tretë është Prizreni me 261 biznese të hapura”, ka shkruar ministri në një postim në Facebook. /teve1.info/
