Muja theksoi se Serbia ka filluar ta zbatojë marrëveshjen në momentin që Qeveria ka instistuar dhe demonstruar vullnet për t’i imponuar.
“Do të thotë ka qenë ish-kryeministri Hashim Thaçi, ish-kryeministri Mustafa, ish-kryeministri Haradinaj, të gjithë kanë dështuar në zbatimin e një marrëveshje që i ka pasur afatet e qarta. Afat për afat. Dhe e fundit ka qenë kur u shty para ardhjes së Qeverisë Kurti, kjo ka ndodhur në vitin 2013, është dhënë afati i fundit 15 shtator 2021, dhe në momentin kur i ka dalë afati ne kemi filluar me zbatu. Kështu që kryeministri Kurti nuk është se ka opsion tjetër, përpos ta zbatoj ligjin”, tha ai në “Këndi i Debatit” në Tëvë 1.
Teksa kanë mbetur edhe disa ditë nga përfundimi i afatit të regjistrimit të mjeteve nga targat ilegale në RKS, Muja thotë se kryeministri Albin Kurti nuk do duhej të fokusohej ta shtyente procesin, pasi kjo cilësohet si formë për moszbatim. /Teve1.info/
